Ang Aking Karanasan sa Panahon ng Pandemya
Ang aking karanasan sa panahon ng pandemya ay bagamat mahirap, nagbigay naman ito ng maraming aral na tatatak sa mga puso at isip natin. Noon, akala ko ang pandemya ay mga pangyayari lamang na makikita sa mga palabas o pelikula ngunit hindi pala, maaari rin pala itong maganap sa totoong buhay katulad na lamang ng nararanasan natin ngayon. Tayo ay kinakailangang manatili sa ating mga tahanan kasama ang pamilya upang maging ligtas laban sa sakit. Ngunit ang mga panahon na ito ay nagpaunawa sa atin na siguro kaya rin nangyari ang mga ganitong bagay ay para ipakita sa atin na mahalaga din na magkaroon tayo ng oras para sa pamilya.
Ang pagkakaroon ng oras sa pamilya ay maituturing na yaman sapagkat hindi na maibabalik pa ang mga panahong inilaan natin sa kanila. Lumilipas ang lahat ng bagay sa mundong ito, gayundin naman, tulad ng bulaklak, kalauna'y sila'y uuwi din sa piling ng ating Diyos na may likha ng lahat ng bagay.
Sa mga panahong ito, ipinakita sa atin na masaya rin palang makasama ang ating pamilya na noon ay hindi natin magawa sapagkat tayo ay abala sa iba't ibang bagay at hindi na natin namamalayan ang kahalagahan ng pagkakaroon ng oras para sa pamilya upang makabuo ng magandang relasyon ang bawat isa na miyembro nito. Kaya bagamat mahirap man ang buhay ngayong pandemya ay ipinaunawa din nito ang kahalagahan ng oras para sa pamilya.
Para sa iba pang impormasyon, bisitahin lamang ang link sa ibaba:
brainly.ph/question/16868790
#SPJ2